Aitatxi-k Maddalen-i

M.E.

 1

 Ai Maddalen Madalen, zoin xumea ziren

 Ene beso artean zaitut goxaturen

 Xaharra ere baita haurrera itzultzen

 Xarameletan biak gu loriaturen.

 2

 Ai Maddalen Maddalen, zoin ezti irria

 Aingeruari duzu segur ikasia

 Goiz garbiak berekin argi berezia

 Bozkariatzen duzu zuk etxe guzia.

 3

 Oi Maddalen Maddalen, bertzerik gertatzen

 Nigar xorta beroak begia bustitzen

 Orai danik biziak bihotza kolpatzen

 Ikasi beharko duzu hainitzen pairatzen.

 4

 Ai Maddalen Maddalen, egun bat izanen

 Nola xori umea balte hegaldatzen

 «Ni norbait banaizela» daukuzu erranen

 Biziaren oldarrak gaina baitu hartzen.

 5

 Ai Maddalen Maddalen, nor tira izanen

 Atxik azu gogoan nun sortua zlren

 Apaltasunaz nehor ez baita mendratzen

 Bihotza idekiz doa nor bera goratzen.

 6

 Ai Maddalen Maddalen, urtez iraganen

 Maitasun berri batzu dituzu eglnen

 Nola uda berrian kanpoa loratzen

 Halaber bizia da hein eder agertzen.

 7

 Ai Maddalen Maddalen behin gertaturen

 Zur'aitatxik ez baitu kanturik eginen

 Orroitzapena baizik ez baita gelditzen

 Harek lagunt gaitzala oraino elgartzen.