Donamartiri bi pertsu
M.,P. de
1
Zer plazera neretzat irakurtzia kaseta «Herria»,
Jalitzen baitzeraut nahi ala ez ezpainetarik irria!
Badut orai ere artikulu bat irakurtu berria,
Eman baiteraut bi bertsuren emaiteko thiria.
2
Nere bertsuak ikhus-eta ez, Jauna, othoi, izi,
Behar baitugu biek bethi adichkide bizi!
Ikhusten duzunian Charlech, ez othoi ahantzi
Erraitia on phartez segur milaka goraintzi.
3
Gerlarat joaitia baiginuen denek gogotik onhartu,
Denbora laburrik barne ginuen orok bide bera hartu;
Arribatu-eta ginen denek laster ohartu
Tresnarik gabe nola etsaiari behar zen oldartu.
4
Charlechek zuen irabezi gerla, Jauna, zure arabera,
Zeimbeitek izan gintuen ez denek harma bedera
Kartucharik gabe nuen izan nihaurek harma bera
Egin bainuen: «Ontsa duk, segur, frantsesen bandera»
5
Zuk eta nik biek badugu segur haro,
Nahiz ez duzun Amerikaren amodioa nik bezain bero.
Huna: ez baliz jin-jin bazen ere gero,
Aleman izanen ginen orai zu eta gu oro.
6
Nahiz ez naizen bertsuetan artzeko on,
Nago ez othe den ni baino hoberik nehon;
Izan ziten Jean-Baptiste ala izan ziten Leon
Chahartu baigira, behar dugu biek orai ichilik egon.
7
Nere bertsuak ikusi-eta eginen duzu irri,
Hola nahi nautzun igorri nere bihotzeko berri;
Nahi bazinu gero ere bertsuetan ari
Gelditzen naiz orai huntan, bethi zure zerbitzari.
