Neska-mutil zarrak

Mutil-zar batek

 1

 Neska zarrak deitzen

 Dira orain damak

 Naiz du izan ainbeste

 Urte nola amak:

 Zarraren zarrez iya

 Egiñik eskamak

 Ala ere poztutzen

 Ditu eder-pamak.

 2

 Moja juango lirake

 Ezkondu ere bai

 Baña arantzarikan

 Iñola-re ez nai;

 ¿Eta egongo dira

 Beti onela gai?

 ¿Zer uste dute bada

 Damachuak, ja... jai?,

 3

 Eleizako santuaz

 Norbaitek erruki

 Otzaz ill ez ditezen

 Bear du iduki

 Neska-zarrak, jautziko

 Dituzte ederki

 Oyek zertako diran

 Orra erabaki.

 4

 Mundu danak oyezaz

 Egiten du parra

 Ez da nai-gabe guchi

 Sufritu bearra ;

 Edozeiñ umek diyo

 "Orra neska-zarra.

 Gauza ona badare

 Izena da charra.

 5

 Iñoren illiakin

 Palta berriz ortzak

 Alkar jo bearrian

 Sudur ta okotzak

 Negua igarotzen

 Dute dar...dar... otzak,

 Osoro beldurtzen nau

 Oyen ezur otsak.

 6

 Koloriak gorritzen

 Egiñ alegiña

 Ekarririk kanpotik

 Pintura chit piña

 Baña ezin estali

 Erdoi ta zikiña

 Neska-zarren gaitza da

 Edertu eziña.