Usoa
Muniategi, Sabin
Uso zuriak ba-daki bidea,
gizon aundizki, gizon altsuak,
bake ikurtzat gizon ospetsuak
dabiltena eskatuz bakea
Oi uso zuri azkar gurena,
bakearen ikur, eder maitea,
mezulari zintzo, egokiena...
Zein da zure gaurko albistea?
Billatu nai du norabidea
baņa, gizonak ez dio uzten
goibidetzen bere egadea
ta, bere azkatasuna lortzen.
Ordun, gelarazitako usoa,
egazti apal eta, zintzoa,
itunik, tristuraz gelditu da
noiz abiatuko goietan gora
Etxalar'ko goi-alde askotan
sareak jarri dituzte, maltzur,
ta, eiztariak dagoz bazterretan
usoak noiz etorriko, guztiz zur!!