Orbeldu baiņo lenago
Muniategi, Sabin
Eguzkiak diardaituriko udabarridun
zuri-gorriz burutu diran lorateriak
bertsoratu nai neukez egitasunez, kutun,
bizitzaren amets-aldiko ederteriak.
Irriparka dakusguzan izate goitari
berein muetako gauza eder, ikusgarriak,
eze ta zindo, lerdenkiro, ain ameslari
itxaroturiko bedardi, landarateriak...
Bizi igarankor ori beren ederrean
orbeldu baiņo lenago, illunpean jausiz,
bertsoratu nai neuke osotasun betean.
Atxilotu nai neukez beren gorakundean
maitasunezko berbetaz, biotzeko eresiz
orriz-orri, alkar-min, Loreildu diranean.
