Ereduak

Muniategi, Sabin

 Zurezko kollarearen gizaldikoak dira

 zaar itzalgarri aunitz asko, krisalluaren

 aldikoak dira bai, eta, antoxiñaren

 egunetakoak, beti, aurrera begira.

 Doazenak dira, gu lez, euren elburura,

 bizitza luzean ainbat ikusi ta jasan

 izan dabenak mundu ontako bira-biran

 ainbat negar-malko eta zorion onura

 Doazenak dira, oiñak txakil, burua urdin,

 udabarriz, udazkenez ta, negute zuriz

 aurretik doazenak bidean gora, neke-min.

 Ederra baida zen oneko buru zuria

 zaarren begietara begirune, itzal aundiz

 begiratu daigun ikasiz zer dan bizia!