Eskolan sartzea gogoan
Alkat [Alkhat], Ernest (Ipar Haize)
1
Beren bakantzak ezin ahantziz, haurrak sartuak eskolan
Eta jadanik burraso batzu, hasiak dira karkulan
Mirakuilurik aurten ere ez, guzientzat lan eta lan
Denen bizitza dorpea baita, ez otoi etsi sekulan.
2
Segi gogotik gazte maitea, ta berdin zuk ere haurra
Onen lerroan izaitekotan, erakuts zure indarra.
Egun daukazun pindarra daike, geroarentzat su garra
Euskal herriak baituke bihar, eskolatuen beharra.
3
Bere haurrentzat nor ez da ari, dena galde eta galde
Nere bihotza beti zabaltzen, ikastolakoen alde
Ingles, espaņol edo latina, izan zaizte denen jabe
Bainan horiek otoi ikasi, euskara ukatu gabe.
4
Eskolan sartu haur horietaz, erdi amentsetan nabil
Bihar herri ban zuena daike, balinbazirezte abil,
Jakintza asko bila zazue, xendra guziak erabil,
Edo bertzela biziko zaizte, beti bertzen esku makil.