Baitauka herriak

Alkat [Alkhat], Ernest (Ipar Haize)

 1

 baitauka herriak

 Hiru ehun bat eta

 berrogoi ta hamar

 Urteri hurbiltzean

 ezkila da zahar

 Sortu berriak horri

 nola lekua har?

 Gaztea irriz eta

 zaharrak du nigar

 Nahiz ez duen harek

 esker txarrik behar.

 2

 Ezkila bat Aiherran

 dugu bataiatzen

 Bainan xahar maitea

 zendako baztertzen?

 Agertarazi duen

 biziraino deitzen

 Gerla, hiltze, sortze, ta

 guk biak, aditzen

 Harek egin lanez gu

 orroitu gaitezen.

 3

 Agur bat hartze baitu

 ezkila berriak

 Harkitzu Aihertarren

 ongi-etorriak

 Bizitzeko nahia

 Beha zazu zer dion

 zure gazteriak

 Kantatuz herriaren

 gose-egarriak.

 4

 Herriko mezulari

 hor gau eta egun

 Sortu berria den hau

 maitatu dezagun

 Zeruari begira

 bizirik ez urrun

 Astezkenean hau dut

 ametsetan entzun

 Mattin joan zitzaukula

 erran nahi zaukun.

 5

 Bakotxaren bizia

 aintzina baitago

 Aiherratik Jaunari

 otoitzean nago

 Mundu guzia baita

 sosaren esklabo

 Ezkila berri huni

 nuke erran gogo

 Jo dezan sar dadien

 maitasun gehiago.