Baratza txukuna

Mugerza, Eusebio (Mendaro)

 1

 Au izanikan baratza txukun

 lore ederrez jantziya

 oien kolore txoragarria

 eta gozua usaya,

 gure aurrekuak zuten bezela

 ez degu zaitu eziya,

 zori gaistuan gaur arkitzen da

 pistia txarrez josiya.

 2

 Zakur obenak ildizkigute

 eta eskopetak kendu

 orregatikan baratza ontan

 axeri askok jatendu

 bertako lore ederrenekiñ

 egiten dira apaindu

 nekea pranko degu geoztik

 oiek eziñik mantendu.

 3

 Sube gorriak diruditela

 dabiltzanak zitalduta

 griña txarrekin burua nastu

 eta kemenak auldu ta

 kristandaderik ezin lezake

 borondatia galduta

 Jesukristoren ministrueri

 esku bidia kenduta.

 4

 Alper aundiak begira nago

 jai ez diran tokiyan,

 lanian saiatu naiduteneri

 utzi naizik pakian;

 antzemanikan aspaldin'ago

 ser gertatu lezakian,

 zakurren gisa eon biarrak

 oraindik gure maipian.

 5

 Erbi iñudiak diruditela

 korbatatxua jantzita

 uxokumiak engañatu nai

 litxarrerian oituta

 kuku alperrak txantxañgorriyai

 gisa arraulzak jarrita

 Billabonako Fraisoro dago

 aur iñuzentez beteta.

 6

 Erle txintxuak zelaian danik

 lore obenak biltzen du

 eta gero esti goxua egiten

 guziak alkar lagundu

 orregatikan oiek ez dute

 alperrikan nai mantendu;

 obe genduke kristandadian

 lege au jarriko bagendu.

 7

 Erletxo oiek estia eiteko

 lore goxuak bezela

 baserritarrak biltzen dituzte

 ote ta garo, ta orbela,

 gero ukulluan ondo gozatu

 sendatzeko lur argala

 kaletarrentzat zekor ederrak

 azten dakite orrela.

 8

 Usai gozoko loriak dia

 arrosa ta krabeliña

 oien tartian sortu oi dira

 kardu latza ta osiña

 gero alkarri gaizki naikua

 izan ez dezagun griña

 txit komeni da erakustia

 seme alabari dotriña.

 9

 Basarritarrak saiazaiteste

 izanik errezelua,

 gari tartian sortu baño len

 kardu latza ta olua;

 landare oiek ongi jorratu

 ona danian girua,

 txintxotuazi nai esbezute

 kale jende erua.

 10

 Aitak eta amak borondate onez

 seme alabatxuak azi,

 dotrina oieri erakustia

 nai digutela galazi;

 len gure morroi txarrak ziranak

 jarri diranak nagusi,

 iduritzenzait orrelakorik

 ez genduala merezi.

 11

 Biria erakutsi zuan Elkanok

 ez nola naiko azaña,

 meriturikan eman naiezik

 ez dakitenak nik aña

 orre ondoren zan Urdaneta

 frailia asko zekiña

 salbajiari erakustera

 Jesukristoren dotriña.

 12

 Uste izan arren gizon piskorrak

 onak zirala inbentuak,

 etziran ezer gure soldaduak

 zitusten armamentuak;

 juan ez balira misionero

 borondate onekuak,

 erakustera Jaungoikuaren

 legeko mandamentuak.