Eri-ondo

Moustirats, V.G.

 1

 Huna bertsu berriak aire zaharrian,

 Ezarrigo nuzkenak hemen agerian:

 Ez pausu gosez bainan bai ezin bertzian

 Uste gabetan bainaiz gaur, Ospitalian.

 2

 Ortzegun aratsian destrenpu senditu,

 Ebiakoitz goizian jaurei huntan sartu:

 Medikua hasi zaut galde-errepostu:

 «Ontsa hizan? Zertako hiz nitaz hehartu?»

 3

 Bide seguragorik ez baita bertzela,

 Besotikan dautate athera odola.

 Horrek eritasuna salhatuz gisala,

 «Apendizita duzu, khen dezazugula!»

 4

 Mahainaren gainean bainaute luzatu,

 Chirurgientari buruz serios naiz mintzatu:

 «Nahi dautzut bizia zuri konfidatu

 Sabelian tresnarik ez niri kukutu!»

 5

 Hortan akabo nuken neure talendia:

 Oren bat pasa nintzen egon lokhartia.

 Atzarri nintzaneko ganbaran sartia,

 Arrosa bezain fresko hor nuen andria.

 6

 Egia erraiteko, guti dut sofritu,

 Cherto onikan baizik lur hunek ez baitu.

 Bi egunez barura naute idukitu:

 Jaterat galda eta hauche dut aditu:

 7

 «Bi botoila zeroma zure aphairia:

 Deskantchu liserituz ai zer janharia!

 Frantzian bildu duzu gerri bat propia,

 Hemen aldiz guk dugu egiten legia!»

 8

 Hau duk errepostia! «Atso itsusia,

 Jaterat galda eta gaizki ikusia!

 Ez dukezu asmatzen zer daiken gosia!

 Muñuña uste, zakhu oi gaizki josia!»

 9

 Ezin bertzian gare hoietaz behartzen,

 Ez baigira sobera usatu sofritzen.

 Arrengura guziak ditugu ahanzten,

 Eskualdunek jakinez elgarri laguntzen.

 10

 Sei egun tut bakarrik klinikan pasatu,

 Bortz kiloz baizik ez naiz halere arindu.

 Jainkoari eskerrak hainaiz etcheratu.

 Lehenbiziko lana, janari naiz lotu.

 11

 Larrazkenak, berekin ufatuz hegoa,

 Eskual-herrian beza barrea mezua,

 Kontsolatuz airoski guzien gogoa,

 Oinhazeak joan-eta kantatuz bainoa.