Urtsotegiak
Moulier, Jules (Oxobi)
1
Urriak urhez bazterrak aphainduri,
Hego delari mendiak hurbildurik,
Arthaldeak jautsi dire bortutik,
Urtsoak agertu iphar-aldetik,
Neguko pazketarat abiaturik.
2
Urtso gaichoak, zonbat errekontru tzar
Egin beharko duzuen bide nabar;
Egun, airos eta hegalez azkar,
Zalhu bazoazte sustatuz elgar;
Ihiztari gaichtoen saretan, bihar.
3
Bertsulariek, gazte nintzen urthetan,
Urtsoa zuten aiphatzen kantoretan,
Maiteari egin paraboletan,
Gogo-bihotzak hegaldun airetan;
Urtsoez orai tratu merkatuetan.
4
Artizarrareri begiaren eztia,
Iratzartera doanean mendia!
Urtsotegi: deithura egokia,
Ederrez gezurra balitz egia!
Hobi bat, berzterik ez... urtsotegia!
5
Ozkichen gaindi ala Suhuskunetik,
Sarako mugaz edo Lephederretik,
Urtsoek ez gehiago biderik
Ihiztarien sare gabekorik:
Moltsa jori duenak urtso janen dik.
6
Urria urhez, berunezko hazila,
Ene lagunak zahartu ni bezala.
Petik gora labur gure ahala,
Ordokian ere behar makhika...
Urtsoekin gazteak josta ditela!