Behi gaztearen pertsuak
Minaberry, Pierre
1
Omore onarekin noa kantatzerat
Behi bat erosirik haren aipatzerat
Goizetik libratu dut dohan alatzerat
Bi jauziz pasatu da auzoko pentzerat
Ez dut errexki bildu "Roxali" etxerat.
2
Nehoiz oz du ikasi horrek burukatzen
Nundikjakin dezake bertzeren lauzkatzen
Zerbait eskas duela nik ez dut dudatzen
Indar handia badu bainan ez bultzatzen
Beharrik orai ez da behirik uztartzen.
3
Oraidanik munto naiz abere ņapurrez
Araberan beharko gaur artzain xakurrez
Horren borondatea iduriz da urrez
Hartze izigarri bat ere du beharrez
Euskara ikasi du denbora laburrez.
4
Goiz batez lausengatu nai nuen eztiki
"Ahalaz behar hut hi asean atxiki"
Bezperan bazka xuhur, gosea biziki
Doidoi'tarik egin du bainan zain bitxiki
Beharri mutturretik ez bainu ausiki.
5
Zaldi arrazatikan baduke oraino
Labrokan doalarik pentze zolaraino
Ixtazainak lerdenago ditu nik baino
Potxok ņakatu bainan ez hexurreraino
Kanbon barna joaiter da Senpereradino.
6
Denboraren burian zitzaitan susaldu
Zezen molde berna nekexko hurrandu
Hoitalau oren banne odola du galdu
Kalitate eskasez ez dut behar saldu
Gehienak baititu beharrena salbu.
7
Behi orro bitxi bat barruki xokotik
Bore umeari hor kolpeka xilkotik
Kexuan nik ezin utz tresna hau eskutik
Zizpa sistaz dario odola lepotik
Sartzer dazkot kolpean lau hortzak tripatik.
8
Aments batez izan naiz horrekin bortuan
Zaldizkoz apaindua zume bat eskuan
Ustei eder batekin bulunba lepuan
Korda mehe pare bat bridaren lekuan
Zela eta ni arin jasanez bazoan.
9
Lauhazkan iduritu fitexegi joan
Izerditan mihia gorputzez kanpoan
Tronpet aire bat jo dut goratik orduan
Ohartuz telebixta gure inguruan
Xirripan iratzartuz edaterakoan.
10
Arrotza ikus ordu eginez jauzia
Nehork ez dire erran ez dela bizia
Hankak largoak ditu, gorputza luzia
Salgai banu oraindik ez da zuhurtzia
Laster xora lezake merkatu guzia.
11
Tratulant bat jin zeraut eginez agurra
"Nik erosiko dauzut behi gorrail hura
Haragia eskas du saltzeko pizura"
"Eskaintza egin zazu lehenik itsura
Gero jakinen duzu baduzun mentura",
12
"Dotzenaņo bat pasa hortan bazinuzke"
"Lau ehun gehiago balio dituzke
Itzain baten erranak egiak ditaizke
Arraz hortakoak denak behar huzke
Ume bat edo biga barnean baduzke."
13
Haragitanjean baino nahiago bizi
Pikorat saltzek'orde urrixa bat hazi
"Enganatuz nahi zuk ainitz irabazi
Gizon atrebituez munto da Garazi
Antzu pasatu eta nai erdi-arazi.
14
"Hamalaueko hortan nik ez dut dudatzen"
"Moltsa hori ez duzu zuk aisa largatzen
Herabez iduri zaut ez aski ludatzen
Baliosa delakotz gaur aipa ordu zen
Ederragoko guti jalgi da Garruzen".