Elizondoko partida
Millox, Jean-Baptiste
1
Huna pertsu berriak nik orai emanak
Kantuz deklaratzeko plekarien famak
Elgar ezin bentzutuz izan tuzte lanak
Azkenean nausitu dire zaharrenak
2
Mila beatzi-ehun ta hoita bigarrena
Urte hau hainitzentzat zer oroitzapena
Idaz'utenek plazer galtzailek zer pena
Beti lanjerean baita irriskatzen dena
3
Larunbatarekin zen abendoaren bia
Orduan jokatu da partida handia
Elizondon in zuten diruzko paria
Bai eta proetxatu lapurtar jendia
4
Partida hau izan da izigarrizkua
Bakan aditzen battu hau bezalakua
Trinketa hautaturik Elizondokua
Han eginen zutela guziek jokua
5
Dongailz bi anaiak, Léonis ta Arcé
Partidaren finitzen lanak izan tuzte
Gaztek ere galtzerik ez baitzuten uste
Azkenean zaharrek idabazi dute
6
Jean-Baptiste Dongaitzena gizon famatua
Ez baita maiz ikusten bai bezalakua
Berrogai urt'adina t'ehun kilo pisua
Orai ere beharrik egin duk jokua
7
Besoa hasi zaio pixka bat tikitzen
Gorputza pisututa ilea zuritzen
Bainan halere ez da batere izitzen
Azkenean badaki kintzearen iten
8
Partidaren egilea bat zen Mendiondo
Holakorik ez omen d'ikus'egundaino
Atakat'izan diren azken kintzeraino
Hondarrean Jean-Baptiste nausi zen oraino
9
Hamar mila libera alde bakotxetik
Hoik behar ziela jokatu hasteraz geroztik
Trebesak zenbat ziren Jainko onak zakik
Galdu duten gaixuak ere bai bar gatik
10
Ene laguntan bada urgulutxu hainitz
Nahi nuke nik ere jakintsuna banitz
Sekulan gertatzen banaiz okasionean berritz
Begira egonen naiz bazterretik irriz
11
Partida horren famak bertsu berrietan
Guziek kantatzeko Eskual Herrietan
Nihor gertatzen bada nere beharretan
Zerbitzaturen ditut denak lorietan
12
Kantu haukien emailea Batizta handia
Guziek dakitena gizon bat noblia
Bertsu berri emaiten pare gabia
Lanetik ageri da ofizialia