Agur, oi izar maitea
Milafrangarra
1
- Agur, oi izar maitea, iduzki eder begia!
Zure gatikan nik utzi niro bizi naizen-herria,
Eta alderat zure ganat jin, izar charmagarria.
2
- Mintzo zira, bai, ederki, ederki eta onheski.
Zure gatikan nahi nuke nik jakindu bereziki
Noiz izan naizen ni zuretako izar edo iduzki.
3
- Zazpi urthe badu orai, uda huntan konplitu
Amodio perfeta batez zitudala maitatu.
Bainan orai ni beldur nuzu zaizkidan kanbiatu.
4
Eri nuzu bihotzetik, erraiten dautzut hitzez
Sukar-malinak hartua nago, zu ez izan beldurrez.
Othoi, othoi, zuk senda nezazu, hil ez nadin xangrinez.
5
- Gaitz ororen kontra ere erremedioak badire.
Sukar-malina balinbaduzu zerbitza hor barberez,
Eta ez ethor zu ene ganat, ni miriku beharrez.
6
- Urh'erreztun bat badut nik, bere ederrez harturik,
Hura ikusi arteraino zuk zur'erhian sarturiK,
Ene bihotzak ez du izanen oren bat deskantsurik.
7
- Urh'erreztuna baduzu, bertze norbeiti emozu.
Ene erhian sarturik segur ikusiren ez duzu
Bertze zenbait ahal duzunetz etseia hobe duzu,
8
- Oi epher zango gorria airean joaile propia!
Ez duzuia bada pena ene hola ikustia?
Othoi, othoi nezazu, utzirikan bertziak!
9
Nora nahi ni joan nadien, ene bihotza zurekin.
Plazer izpirik ez dut hartzen ene gazte lagunekin
Nun ez zaitudan zu ikhusten, zure begi ederrekin.
10
- Arrosak eder botia, ederxago du loria!
Lehen bertzetan ibili eta orai niri gorthia!
Zoazkit begien bixtatik parabolaz bethia.