Bokazione galdez
Menditarra, Juanes
1
Kantuz hastera noa oraino penarekin bihotzean
Oihua egin nahi bainuke lerro haueri lotzean
Gure fedea norat ari da gaztien odol hotzean
Orroit gaitezen Krixto guretzat hila zela kurutzean.
2
Eliza bazter aise ahazten bainan baletaz orroitzen
Gazteak orai bide mote hau aiseago du segitzen
Manera hori ikusi eta ez naiz batere harritzen
Eskual herrian bokazione hoitaz bagira ttipitzen.
3
Apeza eta serora ainitz egiten zen lehenago
Xaharren fede suharra orai gazten artean nun dago
Ene partetik Jainko Jaunari beti otoitzean nago
Gaurko gazteak bilaka ditzan diren baino debotago.
4
Ibiakoitz ta igande arrats segidan, beti baletan
Atseginean gorputzez eta arimarentzat kaltetan
Gisa berean segi balite meza eta bezperetan
Zerbait geiago egin litake Jainkoaren ohoretan.
5
Apez-serorak ttipitzen ari ta berririk ez ageri:
Seinalatzen du fedea nolaz dagon oraino hoin eri
Falta handia kausitzen dut gaur aita-ama anitzeri
Bridak sobera laster laxatzen dituzte beren haurreri.
6
Lehen bezala nun egiten da familietan otoitzik
Aitamak beren haurren erdian entzuten baitziren botzik
Fededun leial zauden denetan deusetaz ez zuten lotsik
Gaurko mendean nun ikusten da gisa hartako bihotzik.
7
Jainkoak eman graziak bete ditzala gure gogoak
Gure ideiak izan ditezen ainitzez sanoagoak
Fedean ere sortzen direnak gaur baino, beroagoak
Pasaian gira, orroit guziak ez girela hemengoak.
8
Orai gazteak diren horiek, ideian zerbait baitute,
Gero aitamak izan ,ditazke balinbadute bertute
Etortzen diren haurren altxatzen zuzentasun behar dute
Haurrek ongia ikas lirote erakusdunik balute.
9
Ordua jina baitzeraut orai solasa akabatzeko
Pertsuak eman izan ditut gau ilunaren argitzeko
Ideia suharra duen jendeak galde huni segitzeko
Aski entzunik badute denek bihotzez konprenitzeko.