Tarbes-erat soldado (1892)
Mendiondo, Ganix
1
Kantatzen noa hasterat
Pertsu zenbait paratzerat
Gazte, hunat aditzerat!
Sujet eder bat etorria zait
Nere begi aintzinerat
Hala bainuen idera
Urte bat soldadogorat
Etorri nintzen Tarberat.
2
Hunat heldu ginenian
Denak biharamunian
Arrop'ederrak soinean
Kepita pullit bana buruan
Zapetak ere oinean
Nere baitan egin nian
Aldaira leku onian
Duk San Martin egunian.
3
Geroztik hunat Frantzian
Gau eta egun trantzian
Gare gu barmen azpian
Etzersisak egiten ditugu
Zelai edertto batian
Suhertez uste gabian
Erortzen bada hutsian.
Han da poliza kuxian.
4
Hemengo aintzindariak
Maleziz dira betiak
Pietaterikk gabiak
Gu baino maiteago dituzte
Zakurrak eta zaldiak
Horra garbiki egiak
Hemen gradurik gabiak
Estimazione ttikiak.
5
Gure mantenimendua
Dugu pare gabekoa
Orai erraiterat noa
Zopa ez ainitz, haragi guti
Ogia-re ttikiskua
Edaterat ur freskoa
Satifatzdkotz gostua
Sakelan behar eskua.
6
Aitortu behar egia
Ez nintzelarik eria
Izan naiz infermeria
Mediku zahar batek erranik
Hartu ditut purga bia
Ondotikan iturria
Freskoa eta garbia
Horra nere sokorria.
7
Hemen baditut lagunak
Ni bezala eskualdunak
Aspaldiko ezagunak
Hauzo herritar horiek ere
Ez dira batere jaunak
Osoki muttiko onak
Leialak eta zuzenak
Pare gabekoak denak.
8
Elgarretaraz geroztik
Omore ona nunbaitik
Zerk trixtatu behar gaitik
Eskas duguna probidentzia
Fornitzen dauku beretik
Ehun libera batetik
Berrehun igual bertzetik
Ez dira falta etxetik.
9
Heldu zaikunean denbora
Soldadogotik lekora
Joaiteko sor-lekura
Hura zer egun xoragarria
Argitu dena gutara
Pare gabeko bonura
Libertatea segura
Hemen ez baita ardura.
10
Horra beraz azkenian
Denbora Joan denian
Partitzeko egunian
Etxe alderat buruz goazi
Susko karrosa batian
Tarbes utziz gibelian
Sartu naiz nere etxian
Ta zer omore onian.
11
Orai naiz, orai gostuan
Nere etxeko xokuan
Ait'amekin deskantsuan
Goizetik arats lanean ariz
Lehengo usaia bertsuan
Eta artetan pertsuan
Makilatto bat eskuan
Urus bizi nauk munduan.