Mendiague Kantuz.
Jose Mendiague.
1
Kantuz sortu naiz eta kantuz nahi bizi.
Kantuz igortzen ditut nik penak ihesi.
Kantuz izan dudanian zerbeit irabazi
Kantuz gostura ditut guziak iretsi.
Kantuz ni bezalakoak hiltzia du merezi...
2
Kantuz iragan ditut gau eta egunak:
Kantuz izan dirade ardura ene lanak:
Kantuz biltzen nituen aldeko lagunak:
Kantuz eman daiztate obra gabe famak:
Kantuz hartuko nuke gure Jainko Jaunak...
3
Kantuz eman izan tut zenbeiten berriak,
Kantuz gustatu izan zaut erraitia egiak.
kantuz eman baditut noizpeit afruntuiak,
Kantuz barka bitzate ene bekatuiak.
Kantuz eginen ditut nik penitentziak...
4
Kantuz eginez geroz mundurat sartzia.
Kantuz beharko dut ba egin jalitzia.
Kantuz emaiten badaut Jainkoak grazia,
Kantuz idekiko daut San Pedrok athia,
Kantuz egin dezadan zeruan sartzia.
5
Kantuz ehortz nezaten hiltzen naizenian,
kantuz ene lagunek harturik airian,
Kantuz ariko dira ni lurrian sartzian.
Kantu frango utziko diotet munduian
Kantuz edan dezaten nitaz orhoitzian...