Buenos-Aires-tarrak Montebideon

Mendiague, Jose

 1

 Buenos-Aires etarik, zombeti gizon gazte

 Montevido-rat yinik, bisita ein daukute;

 Gure ganat yitiaz, plazer egin dute

 Triste dena neyekin, alegera daite

 Gizonekin ibiltzen, ontsa badakite.

 2

 Untzitik zirenian Montevidon yeutsi

 Otchoa ren etchia etzaye ahantzi;

 Bazakiten zombeitek, ontsa hango berri

 Etzirela izanen, tratatuak gaizki

 Eskualdunen gostua, Otchoak badaki.

 3

 Edari onak dauzka, yatekoak hobe

 Zerbeit ikhasia da, etcheko andria ere,

 Eskualdun yanhariak dituenak maite

 Etchian badituzte, onak eta merke

 Galdatzia aski du, izaiteko fite.

 4

 Tabakera goizetik, tratuan zen hazi

 Dudarik gabe nahiz, zerbait irabazi;

 Ferietara yoanik, handik du ekharri

 Pastenagre eder bat, luze eta lodi

 Otchoari eman dio, sei gindau-en sari.

 5

 Guziak elgarrekin, izan dira mezan

 Debozione handian, eskualdun elizan;

 Ni ere aspaldian, ez bainintzan izan

 Belaunetarik minez, hantche egon nintzan

 Othoitzian ari den, saindu baten gizan.

 6

 Ederki ibili dira, batetik bertzera

 Montevidoko bazter, hauyen ikhustera;

 Batian Unionera, bertzian Cerrora

 Beren gostuko gauzak, emanez ahora

 Ez dute miserian, pasatu dembora.

 7

 Parke berri aldean, guri bazkaria

 Eman izan daukute, ongi prestatuia;

 Behiki eta bildots bat, ederki erria

 Eltze handi bat oylo, gizenez bethia

 Mahainian etzen talla, arno emailia.

 8

 Mahainian ginenian, trempu onian yarri

 Graziano B... han ginduen, guzien gidari;

 Eri balimbada ere, etzuen iduri

 Nork eman othe dio, eremedio hori

 Ontsa errerik yan ditu, bi kilo haragi.

 9

 Bertze eri bat, aldian Pettaka

 Bekhatutik etzaiten, nehundik eskapa;

 Haragi yatetikan, pribatua baita

 Galdurik medikuak, eman errezeta

 Oylo bati lothu-zen, haragiz ase eta.

 10

 Apetitu onekoak, han ziren guziak

 Garbi utzi zituzten, gerrena eta eltziak;

 Gero khantu errepikan, ederki asiak

 Hola bethe baituzte, ¿haurrian hertziak?

 Ez dirade amasok, khitutik haziak.

 11

 Otchoaren partetik, bazuten laguntza

 Kostumatua baita, lan hoyetan ontsa;

 Badaki nola khendu, barnetikan hotza

 Ez da delikatua, hortzez da zorrotza

 Ardirikan ez badu, yaten du bildotsa.

 12

 Bazkari eder hartan, nor ziren zozio

 Izenak emaiten tut, bertsu huntan oro;

 Pettaka eta Zimarron, Tabakera gero

 Pottol belarria zuten espero,

 Guzien aintzindari, President Graciano.

 13

 Omore onekoak sorthuak mundura

 Badakite ibiltzen guzien gostura;

 Ez da horien ganik yaliko makhurra

 Ideya onak tuzte hartuak burura

 Agian yinen dira gu ganat ardura.

 14

 Permisionerik gabe hola mintzatzia

 Gaizki egina bada har pazientzia;

 Bethi danik izan da ene malezia

 Erran ditazken gauzak kantuz kondatzia

 Yaunak othoi barkhatu nere ausartzia.