Mila zortzi ehun

Martin [Bidarteko bertsolaria]

 1

 Mila zortzi ehun eta zortzigarrenean,

 Soldado sartu ginen oi! enozentzian,

 Zerbitzu behar ginela printziaren guardian;

 Egin ere ba dugu behartu girenian.

 2

 Arribatu ginenian Madrillako hirian,

 Begitarte egilia franko izaten ginian:

 Nafartarrak ginela erraiten zaukuteian,

 Haren alde izanen ginela behartzen zirenian.

 3

 Maiatzeko hilaren bigarrenian,

 Errebolta izan dugu Madrilgo hirian:

 Hiritikan kasatu nahi ginituzkeian.

 Ederki tronpaturik bazauden ordian.

 4

 Bederatzi ehun ginen kasernatik partitu:

 Bi plazetara ginituzten errepartitu,

 Españolen kontra harmetan paratu,

 Bistara jinak oro baikintuen garbitu.

 5

 Xapel gorriak ginenian athera plazara,

 Burla egiten hasi zauzkigun behala:

 Uste zuten arauz zezenak ginela,

 Gare toreatzeko mokanesekila.

 6

 Mokasenak iharraus ta gibelko aldian jo,

 Oihu egiten zaukuten «tira, tira karajo».

 Tiratu giniotzaten dozena bat tiro:

 On zirenak joan ziren erran gabe adio.