Inglesak Frantzian
Martin [Bidarteko bertsolaria]
1
Mila zortzi ehun-ta hamahirugarren;
Chefek eman zutena, Frantzian ordena,
Tropak heldu zirela, Frantzian barnera,
Ihes joaitea zela gure hoberena.
2
Partitu ginenian zoin gure herritik,
Haur batzu besoetan, bertzeak ondotik:
Nigar egiten zuten gaichoek gogotik;
Inozentek sofritzia falta horren gatik!
3
Arribatu ginenian leku arrotzetan,
Pietate gabeko kaskoin arrotzetan,
Gabak kanpoan pasatuz neguko hotzetan.
Biziaz etsiturik hogoi-ta-bortzetan.
4
]ende zorrotzak dira guretzat kaskoinak,
Eskualdun gaichoentzat ez hain kasta onak:
Gure gostuz bederen jan tuzte gauz onak:
Oiloak egosiz eta errerik gapoinak.
5
Soldadoak gibelat heldu erretretan,
Arrobatzen zituzten jendeak bidetan;
Gintuienak ken-eta zoazin lorietan.
Saindu onik bide da tropa horietan!
6
Kantu hauien emaile Martin Bidarteko.
Niri ere joan daudet zonbait biarteko;
Borondate izan dut hauien emateko;
Arrazoina bainuen egi'errateko.