Zure oroigarritzat, Lorentxo maite
Aldave, Joaquin
Noizian beiņ zu nere ondotik
igarotzian kalian,
ura bai zala izaki ederra
ikusten nuna aurrian!
Mutill gaztetxo, amalau urte
zure sorbalda gaņian.
Musu gorriya, sagar omo bat;
gorputz bikaņa indarrian.
Pentsatzen nuan ziņala umilla,
pozaren poza etxian.
Zure amatxo ta zure aita
jarriyak zeuden glorian.
Beren begiyak bete oi zinitun
neurri gabe zorionian.
Oraiņ berriro asiya ziņan
nunbait irabaz bidian.
Oetik goizian jeiki ondoren,
lanerako prestatzian,
gosaldu ezkero zure amakiņ
jardun ziņan otoitzian.
Arantzazu'ko Ama Birgiņa
ibilli zan ezpaņian.
Andikan laxter lana tokiyan
ziņan erori eriotzian.
Eriotz tristia ontzi gaņian
miņ artu ta bat batian.
Alperrik egiņ ziran guztiyak
zu jartziagatik onian.
Apaiz bat bazan zure onduan
otoitz bero armonian.
Azken Igortziz sendotu zindun
jartzeko zeru bidian.
Sakramentu onek dauka indarra
Jesukristok ezarriya.
Gertaera ontan zeruko intza;
grazi estimagarriya.
Zure pekatuk barkatu ziran;
pixtuko ziņan grazira.
Mesede aundiya artu zenduna;
doait bat izugarriya.
Zure bidera aterako zan
Jesukristo Epaillia.
Etzan urruti baizik an bertan
"Ama Grazi Emallia.
Izen orixe zeukan ontziyak.
O ze izen maitalia!
Zeruratzeko, nere gazlia,
prestatu zizun saria.
Gero zinduten bereala eraman
zure gurasuen etxera
Aurren - aurrena erori ziņan
zure amen magalera.
Musu, laztana erotu biarrian-
uraxe zan egoera!
Aita lanian etxetik alde...
uraxe zan gertaera!
Lan lekutikan etorri zanian,
zer zan jakiņdu, zunian,
o zeņek neurtu zezakion ondo
miņa biyotz barrunian!
Musuka urtu zun bere semia,
auba aubaren gaņian.
Ez dago iņune olako miņik.
Ez ta aragi urratzian.
Agoni ezkilla nik jo nun gero
maite Lorentxo izenian,
atseden lekun arkitzie gatik
antxen eternidadian.
Illen kanpaya jo nun bakoitzian
neukan biyotza otoitzian.
Ez bestelako alper negarra,
munduko uskeri tartian.
Gero betiko erruki obrak
biltzen dan gende artian.
Azkenik Ama Eleiza Santa
asten da bere lanian.
Otoitz ta kantak alkartzen ditu
ke ta izentsu usayian.
Jartzen du arima Meza bitartez
zeruratzeko bidian.
Zure gorputza, gaztetxo maite,
lur pe sagradun gordia
egongo zaitzu azkeneraņo.
Ara nun zure izatia!
Zure gurasok izango dute
illtzeraņo naigabia.
Zure obiyan ez da faltako
otoitz ta ugari loria.
Zuk alde emendik egiņa gatik,
etzaitut, ez, nik aztua.
Maiteko zaitut obra on bitartez
utzi gobe baztertua.
Badakit ongi andik zerutik
zerala bitartekua
Zure guraso maintiarentzat,
jar zazu antxen lekua.