Zu zera egitan, "Bera" edertasuna bera
Aldave, Joaquin
Eliz Deunaren lenbiziko arriya
Zu zera, Kristo, guretzat jarriya.
Ordutik zaude, gure Ama on-ona,
geitzen asiya.
¡Zeñ emankorra dan zure aziya!
Dezu zimenduz egi bat garbiya:
Elkar maitatu nork bera bezela.
¡Auxen egiya!
Lenengo Lore, Martir denen Buru,
ESTEBAN SANTU, Zaindari badugu.
"BERA" erriyak biyotz-biyotzetik
maite zaitugu.
Eman zizuten etsaiak arrika,
amorruz sutan, itxutu ta oiuka.
"Danai barkatu", biyotzez ziñozun
goruntz egaka.
Zendun gorputza kolpez zauritua,
odola santuz busti, gorrotua.
Alde gu gandik, eziñ ikusiya,
zuaz gorrotua.
¡A zer nolako ikas bide ona
irabazteko azken zoriona:
Elkarr'i barkatu, ta besterik gabe
guaz Jainkua gana.
Ikusi zendun zabalik atia,
trabarik gabe zerura bidia,
ta Jesukristo exerita antxe
zure maitia.
Esteban Deuna, eskatu guretzat.
Gure aldetik omenak zuretzat.
Zabaldu itzatzu zuk esku betian
grazik danentzat.
Jesus Gurutzian barkatzen ill zanak,
guk barkatzeko agintzen digunak,
jarri ez ditzala gure eriotz orduan
begi illunak.