Zu bakarrik, Jauna, zera gure itxaropena
Aldave, Joaquin
Aurten Apillak ondratu gaitu
ainbat euri nastuetan.
¿Zer da urratu ta eten zaiguna
goialdeko goibeletan?
Euri zaparra izugarriyak...
¡ez dira erori txantxetan!
Kontu atera gaudela legez
egualdi on bezperetan.
Entzuna degu gure denboran
dala San Markos astia
artok lurretan azpiratzeko
aintziñekua obia.
Ezdakit iñork aurten ereindun
lurretan sartuz goldia.
Badago ugari nun nai oraintxe
marrakullu ta baria.
Ebangelari onen egunez
kristau erriya bilduta,
Parroque aldetik ermita aldera
egiñ oi du bueltaxketa.
Gora bidian, errobatibak,
¡maitagarri elkarketa!,
goiko laguntza eskatuz danok.
¡Eztitsua dan abesketa!
Emazaiguzu, gure Jaun maite,
animaren osasuna.
Emazaiguzu nai dezun neurri
bizitzeko biar deguna.
Aldendu zazu gure artetik
kaltegarriya zaiguna.
Ezarri ondo gure artian
sendo dan osotasuna.
Bedeinka,Jauna,gure lurraldei
azi, landare ta lanak.
Babextu zure itxalpe azpiyan
zure morroia garanak.
Ariñdu itzatzu gogor zaizkigun
izerdi neke aztunak.
Geitu mesede ta grazi iturri
onuragarri diranak.
Meza donea entzun ondoren,
danak nor beren etxera,
Jaunen eskutan utzi ondoren
etorkizun gertaera.
Ikusten degu arlotia dala
t'exkaxa gure izaera.
Jaungoikua degu gauz on guztiyei
azken muga t'asiera.