Zer dala, ta...?
Aldave, Joaquin
Samiņgarratza arrantzaliai
aurten erori zaizute.
Nola bait itzez Uda-Berriyak
gaizki mintzatuko zeate.
Berai begira zer emango dun
danok egona zerate.
Arantz zorrotza biotzeraņo
otz otz sartua dezute.
Uda-Berriya, emaitz gabia...
etzenduen zuek ori uste!
Jun zan iazko Udara pasa,
t'atun kostera ondorian,
ainbeste modun zineten danok
bakoitza zuen epelian
egunoroko ogi zuriya
janaz onez familian.
"Urrengo urte Uda-Berriyak
bere orduan danian,
emango al digu oi dun bezela,
zoriona esku zabalian".
Zuri begira ainbeste sendi,
zuk zer eman itxodoten.
Goizetik arrats, t'arrats osotan,
izerdi, otz, neke arten.
Oraindaņo zuk urte askotan
zendun eskua zabaltzen.
Antxo kosterak neguko utsunak
zitun ugari estaltzen.
Negu beltzaren bixaje illuna,
zuk zendun irriz argitzen.
Uda-Berriya, mirari egille,
zu nun aurten gordo zera?
Ez dozu agertu aurpegi alaya;
zoragarriya etzera.
Zabaldu dira elorri lorek
indarrian bizitzara.
Kantatu digu kukuak ere
lengo urtien erara.
Ta zuk bakarrik ezdezu egiņ
zure bidian aurrera.
Ez dau ibilltzen Uda-Berriyak
itsaso aberats legiak?
Uda-Eerriya datorrenian
zabaltzen dira loriak,
ta lorez lore ibilltzen dira
ara ta onea erliak.
Aurten itsasoai Negu maltzurrak
itxi dizkiyo bidiak,
t'ate itxiyak ditu berekiņ
estu-aldi beltz, gosiak.
Uda-Berriya ta itsasuen jabe
bakarra da Jaungoikua.
Nola gabiltza gu Berarekiņ?
Uzten det au galdetua.
Nola maitatzen degu gaņera
edozeiņ lagun urkua
Jaungoikua askotan bazterzen degu;
bere Legia aztua.
Anaien alde daukagu berriz
biotz ormatu, izotztua.
Ez da mugitzen arbol ostobat
bere naimenarik gabe.
Buruko ille bat ez da erortzen;
Bera Nagusi ta Jabe.
Atia ideki ta atia itxi,
Berak bakarrik lezake.
Zu, bai, zaudela, Jaungoiko maite,
gurekiņ oso aserre.
Otoitz apala sinismenakiņ,
maitez, egiņ genezake.
