Gure artizarra

Manterola, G.

 Giza-gogo errukarri,

 egi-billa yoranez,

 laño baltzak urrintzeko

 beti zakust lan-nekez.

 Lauso artetik urtenda,

 egia nai ikusi...!

 ­Au bai lorra!... nekatuta

 iñondik ez agiri...!

 -Zer dagizu egi billa

 guzurraren errian?...

 Goitik datorren izpia

 nai dozu illunpean?...

 Gora begira egizu,

 andik dator argia...

 urratu griñan lañoak

 nai bo'zu ikustea.

 Zorion emolle izpi-

 txorta nai dozu euki?

 Kristo'n Ikasti goitarra

 gogoz ondo ikusi...

 Antxe guzur-naste barik

 egi soilla diz-deika,

 Artizarraren antzera

 daukozu zuri deika.

 Gogo-poza, zoriona,

 alaitasun iturri

 etengabea daukazu

 zuri egiten argi.

 Zure ona antxe dago,

 biotzentzat indarra,

 egi orrein barrenean

 gol-zorion bakarra...