Uda maitiari abestiya
Aldave, Joaquin
¿Olerkariya al zera?
¿Olerkariya... zu?
Baldiñ ala bazera
gogoz kantayozu
itzik bikañenakiñ
ta etzaitez aspertu,
Udak dun on onari.
¡Beriak baditu!
Aldeketa galantak
ikusi ditugu.
Uda, ¿nun lore ainbeste
gorde dizkigutzu?
¿Zerkiñ lore politak
trukatu ditutzu?
Arritu ta nago ni.
Eziñ det asmata.
Zugaitz lore guztiyak
dauzkagu izkututa.
Bere egiñkizuna
bete bai zuten ta.
Lore ordez ostuaz
daude apainduta.
Zerbait osto tartian
daukate ernaituta.
Uda berriya jun zan
umetasunian.
Uda bikaña emen da
gaztetasunian.
Uda azkena gero
gizontasunian.
Noizbait Negu illuna
abestasunian.
Uda berri alaya
zetorren bezela,
iguzkiya bazijuan
goyen mailetara.
Zuzen argi tximpartak
biyalduz lurrera,
onespena zetorren
gari ta artotara.
Zeru aundi ortantxe,
¡nere Jaungoikua!
denak betetzen dute
zure agindua.
Iguzkiyak badauka
jayotzeko ordua.
izar bakoitzak berriz
izen ta lekua.
San Juan egunez dago(iguzkiya)
aunditasunian
zeru altsuara iyota
eku goyenian.
San Pedro ingurun berriz
apaltasunian
asten da goitik bera
azkar zuzenian.
Bere lanak ditugu
geroztiko denak
emaitz asko biltzeko
on arten onenak,
sagar, gaztañ, udare,
mats aio gizenak.
Berak gozatzen ditu
azal ta barrunak.
Aitatu ditut lorek
asiyeratikan.
Galdutzat jotzen nitun
bizi eziñikan.
Ez da ori orrela
diyot nik ziñetan.
Antxen daude aukeran
loretegiyetan.
Loretegiyan lorek
iriki ordutikan
laxter illarteraño
iraupen motxian,
begiko atsegiñ dira
bakar bakarrikan.
Gero erortzen dira
bizi gaberikan.
Izanagatik lorek
argal izaeran,
sortu dira izatez
Jaunan eskutikan.
Gora ditzagun lorek
biyotz barrundikan
onoimen lorek pixtuz
gure biyotzetan.
|