Uda azkena
Aldave, Joaquin
¿Zeñek lezake ongi
margotu Uda Azkena?
Lau sasoyaren arten
zalantik gabe onena,
neretzat da egitan
askotxoz goxuena.
Agur erran ta Udara
aldendu da aurtengua.
Itxoiñgo degu pozez
datorrenenko urrengua
ongi etorri emanaz
maitagarri barrungua.
Danok aitortu zagun
zerala, Uda Azkena,
biyotz guztiyen poza;
begiyen gozamena.
Orrenbeste emaitza,
ez da iduripena.
Eman dizu Udarak
ugari eskupekua.
Bete lezakezuke
gañez zure kolkua.
Alai egon zindezke:
auxen da zure ordua.
¿Nolaz erraz zenbatu
daukozun ontasuna?
¿Nolaz neurtu liteke
zure aberastasuna?
Jarri diguzu eskutan
amets egiñ genduna.
Errosario illian
epel-epel aiziak
ballakatzen dituzte
maitez emaitz aliak.
Ontzen ditu guztiyak
bazeuden ere eziak.
Bildu dira kosetxa
arto, sagar ta illarrak;
mizpira, udare, gaztañ
gozo ta igar-igarrak.
Frutu abek egitan
dira urre zillarrak.
Danok jaso ditzagun
lur aldera begiyak
nai baditugu ikusi
sendo dirun egiyak.
Ereiñ azi berexik:
Moztu larra sasiyak.
|