Sartu gara garizuman

Aldave, Joaquin

 Izenez geigo

 izatez baño

 emen degu Garizuma.

 Aspalditikan

 ez da izaten

 len zan bezela aztuna.

 Baru gogorra

 t'aragiuztek...

 ¡auxe oraingo biguna!

 Utzita dauka

 gaurko egunez

 lengo bekoki illuna.

 Makala gera

 t'oso argalak;

 galdu ditugu indarrak.

 Bañan jolaste

 t'ergelkeritan

 oso gerade azkarrak.

 Gura ixtillu

 t'orruarekiñ

 dar-dar diote bazterrak.

 ¿Zeñen begiyak

 biyotz barrundik

 dariote latz negarrak?

 Ego aizia

 arro-arrua

 dabill geyenen buruan.

 Zerrautsa sollo,

 sukar illupa

 muntoika gure goguan.

 Jolas, ostiku

 ta zalaparta

 beren sukar ta eruan.

 ¡Itz bat bederik

 bagiña gauza

 kristau jatorren moduan!

 Bortxingak gogor

 zimeldu gaitu;

 gaude kasik igartuak.

 Ortik bakarrik

 bildu litezke

 frutu zimur t'arratuak.

 Ez bagera gu

 argira urbilltzen,

 laxter gerade itxuak

 Ta itxuk bidiak

 ez ditu ikusten.

 ¡Ordun bai egiz galduak!

 Lurra ikuitu

 ta lurrian egon

 bizi geran bitartian.

 Bañan itzaldi,

 ta gure asmuak

 bitez Jaunaren pakian.

 Ez diru zale

 katazkan beti,

 lotuk ontasun gosian,

 t'elkarren arten

 burruka bizin

 su gar beti aserrian.

 Ez digu eskatzen

 oraiñ Garizmak

 egon gaitezen gosiak.

 Ainbat gutxigo

 bete-beteta

 neurririk gabe asias.

 ¡Zenbat dauzkagun

 begi aurrian

 jan eta edanen kaltiak!

 Jarri ditzagun

 biartsuen eskutan

 bere ontasun partiak.

 Austerri egunez

 Ebangeliyuan

 itza ditugu biziyak.

 "Ez bildu ontasun

 galdukor danik,

 jango ditunak pipiyak"

 Goxa ditzagun

 maite ta errukiz

 miñgarri diran zauriyak.

 Abek ditugu

 iraungo duten

 egizko irabaziyak.

 O zu, Igarle

 Lege Berriko

 azi ona zabaltzalle,

 mintzatu zaite

 turuta juaz

 kementsu, bildurrik gabe.

 Izan zaitez zu

 mastegi ontan

 kristau erri salbatzalle.

 Exti atzera,

 demoniyua,

 gure etsai banatzalle.