San Pedro jai egunak, goxo eta bigunak
Aldave, Joaquin
San Pedro jai bestak
etorri zaizkigu.
Gure egiņ biarra
zer dan badakigu.
Argi puskatxo bat
emango baligu!
San Pedrok on-onez
lagunduko digu.
...............
Bestaren usayak
zabaldu ta daude.
Txoratu ta pozez
eragiņ ta gaude.
Zu, irakurlea,
lertzekotan zaude.
Latiņez dizutet:
"Lactare et gaude".
...................
Poztu ta alaitzeko
esan nai dipute.
Latiņezko itzak
indarra badute.
Samiņ ta garratzak
kendu ditzazute.
Zuen lagun onak
esaten dizute.
..............
Sinismen siņalia
aitortzen du erriyak.
Prozesio ordu degu
amar eta erdiyak.
Arrantzale lauek
indartuz gerriyak
San Pedro jasotzen,
ayek izerdiyak!
...............
Meza nagusiya
bai ederki abestu!
Eziņ obetoago,
zer nai dezu apustu?
Sermoilari trebek
egiyak agertu,
ta meza ondoren
relikia agurtu.
...............
Arrantzalek bapo
sakelak beteta.
Ezdituzte zimur
bakoki-kopeta.
Jotzen dira gogoz
txixtu ta tronpeta
dantzatzeko ariņ
gaur biribillketa.
..................
Bota zagun danok
leyotik etxia.
Orni zagun betez
Okelaz eltzia.
Garbi euki ezkero
zikiņez estia...
ondratuko degu
San Pedro astia.
................
Ardo zar naparra
zagiya betia,
ez da noski izango
iņuntzat kaltia.
Jakiz bete-bete
ta gero postria,
kape, kopa puruk
sutzeko labia.
..............
Orrela ederki
berdindu ezkero,
edozeņek dauka
grazi ta salero.
Pentsatua daukagu
nora jo guk gero:
Zerbeza edatera
arro, ariņ ta ero.
..................
Kaletan jendia
eltxua bezela.
Zintzo askoren arten
ainbat zoro ergela.
Ni danon artian
txepela ta epela.
Eguna ta urtiak
dijuazkit orrela.
.................
Iņori gaitz gabe
(urtian beingua)
etzaitez agertu
besa motx, txangua.
Edan neurri onez
patharra ta ardua
galdu gabe ziaro
moskorrez burua.
................
Besta egun ederrez
egundaņo ez aztu.
Ene, ez ditezela
samindu, mikaztu.
Ta txukuntasuna
ez loitu, lokaztu.
Urrengo urte arte:
Bitartian... egoztu!
|