Agur yaunak

Gabirel

 Euzkeldun zintzo, agur dagitzut,

 Anai-agurra biotzez...

 Eta nor nazan yakin nai bozu'

 «Ekin» daukotzut izenez.

 «Jaungoiko-Zale»n semetxoa naz

 Bere ordezko nayatzu,

 Goiko-Egia zabaldu nayan

 Gaste kemenaz ta sutsu.

 Ziñestea dot biderakusle,

 Euskera nire yantzia,

 Ta elburutzat' euskeldun danak

 Egi-bidez zuzentzea.

 Gure aberri maite onetan,

 Guzur-zaleak ugari

 Gaiztakeria zabaltzen dabiz.

 ¡Euron kaltez naz gudari!

 Orrexek dira nitzat etsayak,

 Enparauak adizkide

 Egi-zaleak diran orontzat'

 Poi geznari ta lankide.

 Kistar euskeldun zintzo danakaz

 nai neunkez artu-emonak,

 Eurok dira-ta niretzat beti

 adizkiderik onenak.

 Izango ete da bat bakarra be

 etsaitzat artuko naunik?...

 Yaungoiko eta Euskerarenak

 nire etsayak, bakarrik.

 Eguzki antzez eurontzat bere

 Izango ditut izpiak

 Aleginduaz argitu daizan

 Kistar-Ikasti egiak. (?)

 Euskeldun ingi orori bere'

 Anai-agur samurrenak

 dagitzuez gaur zeuon sendiko

 anayatxo txikienak.

 Maitasun batez alkartu eta

 Yauna-n laguntzaz batean'

 Egia nai-non zabaldu daigun...

 «EKIN...» garaitu artean...