Orixe'ri erdi zimeldutako lore batzuk

Aldave, Joaquin

 Nai ta nai ez kristau ona

 biar dezu bai, zuk izan

 olako doai bilduma

 daukazuna zure gan,

 lurretikan oso gora

 aiñ erraz zerana egan;

 on utsen mami bakarra

 ainbeste dezuna eman.

 Orixe bakarra zera,

 gure Orixe maitia.

 Guretzat onuragarri

 zuri begiratzia.

 Jartzen dezu lorez apañ

 ludi ontaleo bidia,

 idekiz zabal geroko

 zerurako atia.

 ¿Nundik nora datorkizu

 olako ontasuna

 zure eskutan Jaun aundiyak

 Berak jarri dezuna?

 Lur arruan ozi ona

 Bera da ereiñ duna.

 Berak ereiñ, Berak eman

 azkenik onespena.

 Zu jayo ziñan egunen

 izar ederrak argi.

 Arima moldakor ona

 lausorik gabe garbi.

 Aingeru, gotzon guztiyak

 zuren egun pozgarri.

 Etsaya bakarrik zegon

 muxiñ, aserre, larri.

 ¿Zertako luzatu geigo

 nik esan nezakena?

 Beste eskutik artu dezu.

 zuk merezi dezuna.

 Aintza, txalo, besarkadak,

 Leiza'n zendun omena.

 Neria ezer ez dezu;

 bera da txikiyena.

 Zure izena, zure lana

 guretzat oroigarri,

 samiñtasun aldiyetan

 benetan gozagarri.

 Altxa zagun zure izenian

 illezkor urrezko arri.

 ¡Bazera goragarriya

 gure Maisu on ori!