Munduak nahi bethi hobea
1
Munduak nahi bethi hobea;
Elizan kadera! oi mende nekea!
Ene ordain, jar-alki maitea,
Kondaturen dautzut ene bizitzea.
2
Ez dakit noizkoa naizen
Eliza enekin eder zen
Jaunaren hitza hemen da berritzen
Zerbitzari izaiteaz nintzan goresten.
3
Bataio-egunak zaizkitan goxo
Aitatxi-amatxirekin ni hor bermego
Aldaretik boz bat entzunik nago:
Haurra, hi orai ene lekuko.
4
Espos egunean, apaindura, bozkario.
Naturalezak gizonari hau dio:
Amodiorik gabe munduak ez dik balio.
Kreatzailearen lana gizonak segi dio.
5
Askotan ibili naute itzulika
Adi-araziz nahi ez nuen karranka
Artetan berdin pusaka
Maleziarik gabe egina aise daike barka! l
6
Nork du aditu kantu ederragorik?
Herritarren othoitza hor heldu barnetik
Ote da dohain ederragorik
Egilea bera laudatzen delarik?
7
Atsegabetan busti naute nigarrez.
Zanbat berexte ĢIkus artioģ erranez!
Orai ene aldi; nago auhenez...
Munduko zuzena hori da arabez...
8
Ethorkizun hau har, Jar-aldi maitea:
Zure ospean ezar anaitasun hobea.
Elizak egon behar du bethi gaztea
Halakoa atxik Baigorrin Fedea!