Moda zaharreko olerkariari
1
Nahi duzu / olerkia
Izan dadin / lisatua,
Ponduetan / bethi berdin,
Moda zahar / mutzu urrin.
Irri dautzut / nik egiten.
Zer zitu ba / zu lotsatzen?
Nola negurt / olerkia
Karkailaka / zoriona
Bihotzean / balinbada?
Malurrean / zorigaitzez
Bazirade / egun batez,
Nola hauta / dobladura
Bada hotza / hitz zaharra?
Nola legunt / nigar-hipez
Eta ere / bihotz-minez
Ehoa den / olerkia?
Ez da bethi / xoriñoa
Bide beraz / hegaldatzen.
Lore bera / du xurgatzen
Zure ustez / Jainkoiloak?
Kantu bera / du moldatzen
Aldi guziz / haize basak?
Bertsu berri / bertsu zahar
Ez da segur / zendako ar
Gasailatzen / Utz gaztea
Segi dezan / bere xendra.
Bertsu zahar / bertsu berri,
Bihotza du / hak kantari.