Misionestak Hazparnen oihu dolhamenez
1
Misionestak Hazparnen oihu dolhamenez,
Nehor gure artean eririk badenetz;
Hurbil gaiten guziak laster bihotz onez,
Sendaturen gaituzte absoluzionez.
2
Deyheralde misiones beharren hazlea,
Hunen parabolari ez daite enhea;
Bera ere baitugu herriko semea,
Makhur liteke horren hemendik urtea.
3
Iriart, zer suieta bere kadiratik,
Borthizki ari zauku guri predikutik;
Nahi gaitu beiratu guziak galtzetik,
Iduri mintzo dela ifernu zolatik.
4
Nolutz aiphatu gabe oi murde Cotiar,
Harek ere egin du anhitz Jainkotiar;
Arbolariak harekin ez zitaken eihar,
Ez ginduke hemendik hori utzi behar.