Mil'esker ainitz
1
Zazpi urte du Arta Lekura Neli zinela etorri
Sekretario kondu egile, gu hiruen zerbitzari
Zu bezelako lankide onik bekan du nehork ezarri
Beti kartsua, eginbidetsu, ezti eta maitagarri
Egona zira gure artean batzu ta bertzen lokarri.
2
Kabala eri horien jabe edo izan artatzaile
Beti prest zinen irri batekin gu guzien laguntzaile
Jende hartzea, pazientzia, dohain zer nahiren jabe
Zuri galdatu laguntza zerbeit sekulan ez zen debalde
Nola ordaindu behar zaitugun hiruak trixterik gaude.
3
Maite dituzu behi, ardiak, aratxe eta bildotxak
Ez hanbat xakur eta gatuak, direnak guziz hezgaitzak
Gainerat bertze maite batentzat jotzen baitautzu bihotzak
Zure Euskaldun sendimenduak ez direlakoan hotzak
Hizkuntza horren alde eginen dauzkutzu lan baliosak.
4
Hor laketuko ote zarenez ez da gure arrangura
Bihotzez maite duzun lan hortan jarriko zare gostura
Zure pareko zerbitzari bat nekez daiteke eskura
Otoi egizu bisitaņo bat artetan Arta Lekura
Jakin dezagun nola artatzen daukuzun Euskal Kultura.