Legortiaren zigorra
Aldave, Joaquin
Martxu illin egiñ ezkero
Mayatzeko egualdiyak,
egon Mayatzian egiñgo itula
txarra diran bultzaaldiyak.
Onela diyo esaera zarrak,
t'ez dago nik asmatua.
Askotan ola ikusi izan da,
t'orrela da gertatua
Irikik daude bazter guztiyak
busti t'euri egarriyan.
Illun - illuna etorkizuna
ganadu jan mixeriyan.
Mayatz ederrik ikusi oi degu
euri t'eguzki nastian.
Euri bakar bat ez da erori
jun dan Martxu traketsian.
Martxua idorra gendun bezela,
Mayatza bada bustiya...
bazter guztiyak usteldu biarrian
t'izango degu larriya.
Belar zelayak, ¡adios aurtengoz!
beyak ikullun marruka.
Ardi gaxoak gose-gosiak
beren mantenu billaka.
Baratzetako frutuak, ¡gora!
garesti goruntz lañotan.
Askok sukaldia utsa ta otza,
urri badaude dirotan.
Bertsotan. Jaunak, izugarriyak
t'ugari agertu izkitzutet,
Alare, noski, ongi esanak,
egiz zerbait jarri badet.
¿Zeñen eskua dabill ementxe
gertatzen zaizkigunetan?
Iñor ez dabill Jaungoikua baizik
bere erabakiyetan.
¿Zergatik ola jipondu erriyak
aize, ur ta legorrian?
Guk au orrela merezi nunbait.
¡Ene! umilldu gaitian.