Laxter estropak; nolako estropak!
Aldave, Joaquin
Zerbait neurtitzan esan nai nuke
Agor illeko estropadaz,
biar dan bezela lenerazteko
nola ezgeraden kapaz.
Mirari aundiyak argitarazten
ez da noski gauza erraz.
¡Ori da, ori, erori dana
jolas jatorren gañera!
Gaitza illkorra, izugarriyak
eraso diyo zañera.
Urte abetan ikusten degu
bere ondamen, galera.
Oso itz gutxi entzuten dira
estropadak aitatuaz.
Etzipen gaitza nagusitu da,
ta aldapa bera baguaz.
Euskal-Errriko jolas bikaña,
¿azkenetara ote zuaz?
Gaitza aundiyak premiya dute
aundi diran sendagayez.
Sendagai oyek billa ditzela
dezaketenak, mesedez.
Igortzi ongi pizkortuazteko:
jantzi, urre ta zillarrez.
Zapi beruak ez du goxatzen
erlekisten somiñdua.
Gose dagonak ametsten daki
gozo zayon lapikur.
Estropak itz bat esaten duten
Opa ugari dirua!
Izugarriyak izaten dira
neke miñ ta izerdiyak
bere gañ artzen dizkigutenak
gure estropalariyak.
Izerdi-nekek eskertutzeko...
¡berdiñian biar du sariyak!
Agor illeko edertasuna
egiz da zoragarriya.
Estropak berai eman oi diote
gañezka ontasun neurriya.
Galduko ote dan -dizutet danoi
sartuta daukatlarriya.
Or dago koxka, entzun arretaz,
gauzak okerki juateko.
Ta biar digute bultzada on bat
nai bezela zuzentzeko.
¡Dirua geigo, askotxoz geigo.
eroriya altxatzeko!