Mayi pollita
1
Han Mayi pollita, tiki, tiki, tiki,
galtzerdi eginez polliki,
bakar-bakarrik, bide bazterrean,
beha zagoen sasiaren pean.
2
- Noren beha zaude, tiki, tiki, tiki,
galtzerdi eginez polliki,
bakar-bakarrik, nor duzu goaitatzen,
ez baitzaitzu hor nehundik agertzen!
3
- Nor dutan goaitatzen? tiki, tiki, tiki,
galtzerdi eginez polliki,
bakar-bakarrik... gure erregeren
seme pollita dut hemen goaitatzen!
4
- Mayi, haren ganik, tiki, tiki, tiki,
galtzerdi eginez polliki,
bakar-bakarrik, zer bil uste duzu,
zu hain erromes, hura hain handitau?
5
- Jainko jauna lagun, tiki, tiki, tiki,
galtzerdi eginez polliki,
bakar-bakarrik, harek nu hartuko,
gero uruski biak ezkontzeko!
6
- Nun zabiltza, Mayi, tiki, tiki, tiki,
galtzerdi eginez polliki,
bakar-bakarrik, ez egin ametsik,
gure erregek ez baitu semerik!
7
- Berdin balio du, tiki, tiki, tiki,
galtzerdi eginez polliki,
bakar-bakarrik, auzoko erregek
ene neurriko ba ahal du seme!
8
Hain luzaz egon da, tiki, tiki, tiki,
galtzerdi eginez polliki,
bakar-bakarrik,lagun horren beha,
nun xurituxe baitzaio ilhea.
9
Hanbat du goaitatu, tiki, tiki, tiki,
galtzerdi eginez polliki,
bakar-bakarrik, goaita eta goaita,
nun azkenean mutxurdin hil baita.
10
Bide-bazterrean, tiki, tiki, tiki,
galtzerdi eginez polliki,
bakar-bakarrik, bi begiak erne,
bidetik jiten deus ikusi gabe!