Mayi eta Gastonen urrezko ezteiak
1
Besta eder batentzat gira etorriak
Otto ta ttanttak tuzte urrezko ezteiak
Enaut-Domigeltarrak hor gira guziak
Bai ta Barberaneko jendaki alaiak.
2
Hemeretzi ehun ta hogoita zortzian
Herritik egin zuten hegaldakatzian
Zonbat griņa zuketen berek bihotzian
Norat ote zoatzin harat airatzian.
3
Bat Baigorriarra ta bestea Bankarra
Han familia zuten plantatu beharra
Wyominen kausitu hortarako karra
Eremana baitzuten zimendu azkarra.
4
Lau neskato sorturik ta hiru mutiko
Zer behar da geiago uros izaiteko
Carricaburu dute izen ekarriko
Lur hortan hazi txarrik ez da ixuriko.
5
Nola uka ilobak lorian girela
Ez da biltzar hau egun guretzat epela
Zorion huntan denak berri gaitezela
Jainkoak egun esker onak diluela.
6
Alegeratzen gira biltzen giren guziz
Egungo hau izan da Jainkoaren nahiz
Goxo hunek behar du segida da bat berriz
Bilduko ahal gira beste ainitz aldiz.