Jun da negua!
Aldave, Joaquin
Azken ardutan dago Negua.
Bildu ditu aserriak.
Elur ta beste petralkeriya,
almen aundiko agiriyak
gordeko al zitun urrengo arte.
¡Agur, agur, goraintziyak!
Neguk azkenik igas egiñ du
Uda-Berrik bultzatuta.
Loretegitan agertu dira
landare asko apainduta.
Laño goibela gayen ziranak
dijuaz denak uxatuta.
Lenengo lorek ideki dira,
Jose Deunaren loriak.
Jaunen eskutik ¿atera al leizke
ditugun baño obiak?
Lore apala, oriz jantziyak,
egiz zerate maitiak.
Negu maltzurra etzi eziñik
aldin aldin mintzatzen da.
Kazkarabarra zabaltzen daki.
¡ibilli oi du zalaparta!
Ixilldu ordua etorri zayo;
laxter alde menpetuta.
Atera zaite, Uda-Berriya
prest prest zauden tokitikan.
Alde egiñ du Negu zitalak
zure begi aurretikan.
Zabaldu ¡ene! zure apañak
nun nai, ongi, gogotikan.
¿Jun da egitan nere anaya?
¿Ez da berriz etorriko?
Askotan daki berriz biyurtzen.
¿Ez al zayo damutuko?
Bildurra daukat, bildur larriya
naizen año azaltzeko.
Arratsa arindu ta moztutzen da;
laxter dator goiz argiya.
Sortalden irriz jeikitzen zaigu
aundiz jantzita iguzkiya.
¡Bai dala egitan zoragarriya
bere suzko arpegiya!
¡O gure eguzki disditzallia,
zabaltzaiguzu ontasuna.
Argiyo zera zalantzik gobe gauz
gauz denen arten onena,
Argi onekiñ, gure Jaun maite,
eman zaiguzu onespena.