Jayo da Cristo guretzat. Guazen ta gurtu dezagun

Aldave, Joaquin

 Adan ta Eba erori ziran

 zoritxarrezko illumpian.

 Gizaldien zaña indar galduta

 gelditu zan goitza pian.

 Errugabeko gizon zuzena

 amildu zan eriotzian.

 Ara zer Jauna errukitsuak

 bere Irutasunian

 erabaki zun orduntxe bertan

 gizon galduan aurrian:

 Osasunezko erabakiya

 bere aunditasunian.

 Agindu ziran laun onak berak

 an lenengo gurasuari,

 emango zula sendagai ona

 gizon galdu ta eroriyari.

 ¡Altxa burua, gizon guztiyak:

 Begira ongi Egiyar!

 ¡Zenbat eunkada igaro ziran

 izugarrizk penetan!

 Urtia jun ta urtia etorri,

 beti gizona antsiyetan.

 ikusten zun ta Lore ederra

 zaruko amets goxuetan.

 "Entzun, Jaun ona, gure otoitza:

 biyaldu laxter Bildotxa:

 gertatu, arren, arren gertatu

 Zure Semien gizontza.

 Berotu suzko maite garretan

 gizon guztiyen biyotza".

 Gau erdi degu illun illuna

 sosegu aundiyan itxiya.

 Artzayak daude erne ta gerto

 zaitzen nork bere artaldiya.

 Urruti gabe otsok zeukaten

 gose ta odol egarriya.

 Noizbait zorionez errukitu da

 gure Aita betikua,

 ta bere Seme bakarrarentzat

 aukeratu du lekua,

 Ama Birgiñen sabel garbitik

 zaigu guretzat jayua.

 Ordun zeruak asi ziraden

 soño gozo ta alayian.

 ¡Aintza zerutan Jaun altsuari;

 aintza betiko iraundian!

 Gizona berriz bizi dedilla

 urratzen ez dan pakian.

 Artzai on ayek dijuaz laxterka

 estu ta asnasa batian,

 ta opari asko artu dituzte

 beren sorbalda gañian.

 Ezti ta arkume, usokumiak;

 gaztak dijuaz mantalpian.

 Arkitu dute Ume txikiya.

 apal apal baxterrian.

 Negar egiñez adieraztendu

 asi dala Nekaldiyan.

 Bere begiyak dira urdiñak;

 illek berriz kixkurrian.

 Arrats aretxek argituko du

 sekula guztin sekulan.

 Ta bere argiya zabaltzen zaigu

 igaroko denboretan.

 Etorkizuna illunik gabe:

 Dana dauka agiriyan.

 Jesus aurtxua, beguirayozu

 begi onez ta errukiyaz

 Adan pamili gizajuari

 izan dezan janariyaz

 eguneroko bere ogiya.

 Zure gose osagayaz.