Jaungoikuak estutu, bai, bañan ito ez
Aldave, Joaquin
Aspalditxotik legortia ditut
lerru luze idatziyak.
Beste aldera biyurtutzeko
dauzkat itza ikasiyak.
Nola aundiya izan badaere,
lixatu itun lokarriyak...,
ta nola Apilla zoragarriyak
bota dizkigun euriyak.
Apirill illak badaki ongi
ustutzen eurik millaka,
ta danen arten bete bakarrik
ontzi txiki edo barrika.
Aurten azkarki egiñ du euriya
grazi onez t'usubillka.
Lur aldek danai emana dauka
eziñ obia besarka.
¡Nola bixitu diran bereala
landariak baratzetan!
¡Nola itsatsi zaizkigun lorek
ainbat arbol adarretan!
Aurtengo urtian izango degu
ederrikan emaitzetan.
Ez da entzungo manyataretan
gose bildur marrurikan.
Euriya ondoren gure eguzkik
dis-dis egiten du argi.
Uda-Berriko aize legunak
lurrak ballakatzen daki.
Oraintxe apañez jantzi ta daude
elorri lore ta sasi.
Sasi barruan gordian daude
ainbat txoriyaren kabi.
Euri, aizia t'eguzki argiyak
nastuta irutasunian,
osatzen dute guzti-guztiya
beren betetasunian.
Jaungoikuen naya agertzen zaigu
zabalduta lur gañian.
Gordedezagun Beraganako
naitasuna biyotsian.
Aurtengo loria ikusgarriya
izan da frutu arboletan.
Promesa ona artuak gaude.
sartu zaigu begitikan.
Iraun dezala grazi onian
bota gabe arririkan.
T'ez deila arrotu aurtengo udaran
ego aize erorutan.
Estutu gaitu legortiarekiñ
mereziya gendulako.
Biar bada otza t'esker gabiak
Beretzat gu geralako.
Egiñ dezagun otoitz apala
gure alde jokatzeko.
Aita on bat da, t'ez dago, noski,
gorrotuz gu itotzeko.