Izan bitez garbiyak
Aldave, Joaquin
Almen guztiya dauka
Jaunaren eskuak.
Beriak ditu lurrak,
berek itsasuak.
Bere aginte pian
daude, bai, zeruak.
Berak dabiltzki ongi
uda ta neguak.
Orduk jarri zizkiyon
gau eta egunari.
Eman ziyon izena
izar bakoitzari.
"Danon errege zera"
diyo iguzkiari.
"Ibilli zaite ortxen"
diyo illargiari.
"Oneaño ta ez geigo
etorriko zera"
entzuten du itsasok,
ta ez dijua aurrera.
"Aizek, iya; ixilldu;
nere agindua da".
Danok, danok apalki
bere morroi dira.
Zure biatz indartsuk
ikuitzen dunian
mendi goiko tontorra
aserre-aserrian,
ertengo zaigu andik
su gar ke tartian
zure agiri orgiya
zaudela gañian.
Eta jetxen bagero
aruntz lur barrura,
ikus gentzake ongi
Zu antxen zaudela.
Dar-dar egiten daki
nai dezun erara.
¡Ara nun jauregiyak
dijuazen lurrera!
Elur, gela ta izotza,
neguko agiriyak,
uda berriko giro,
udako iguzkiyak,
udazkeneko aize
epel ta arrotuak,
ongi bete oi dituzte
zure aginduak.
"Ni naiz Jaun ta Nagusi
denbora danetan.
Egon zaitezte menden
gogoz ta benetan.
Bete nere aginduk
zintzo ta egiyetan.
Bestela izango dira
miñak negarretan".
"Bota zazute, goyak,
euriya geyegi.
Erre bazter guztiyak
diyo iguzkiari.
Ekarri eskutaraño...
¡kentzen ongi daki!
Bere aserre ixilla...
¡zeñen bildurgarri!
"Sartu zaitezte, arrak,
emaitzen munetan.
Gogor jipondu erriyak
bazter guztiyetan,
ta ya ibiltzen diran
bide zuzenetan.
Bestela ez det altxako
nere zigorrikan".
"Nere erriya urruti
dabill Nigandikan.
Miñberatuta nago
oso barrundikan.
Ez datorkit atseden
pozgarri iñundikan.
¿Nolaz poztu niteke
orrela? ¿Nundikan?".
¿Iraungo al dute erriyok
Jaunen aserretan?
Izan bitez garbiyak
kristau oituretan.
¡Oraintxen batez ere
maitetasunetan!
Errik, izan zaitezte
zuzenak bidetan.
|