Marider

 1

 Ama, noiz naiz ezkonduko,

 Senhar batez jabetuko?

 Ai menturaz orduan

 Ez dut landarat beharko?

 Marider ezkondu, bainan

 Bethi ibilki landan,

 Lehertua lanean.

 2

 Ama, noiz naiz amatuko,

 Seme baten altchatzeko?

 Ai menturaz orduan

 Ez dut landarat beharko?

 Marider amatu, bainan

 Bethi ibilki landan,

 Lehertua lanean.

 3

 Ama, noiz naiz erituko,

 Sukar tzarrez fundituko?

 Ai menturaz orduan

 Ez dut landarat beharko?

 Marider eritu, bainan

 Bethi ibilki landan,

 Lehertua lanean.

 4

 Ama, noiz naiz itzaliko,

 Noiz nau Jaunak beretuko?

 Ai menturaz ordua

 Ez dut landarat beharko?

 Marider hil da gostuan:

 Ez da ibiltzen landan,

 Lehertua lanean.