Menez Oxarango, Erretor ohia
1
Zenbait bertsu banuzke hemen emaiteko
Hameka urtez zinen gure zerbitzuko
Igande eta astez Krixtoren lekuko
Egin duzun ongiaz gare oroituko.
2
Omore ona beti, alaia bihotza
Lotsa gabe zinaukan beti esperantza
Donamartirin duzu zaindua eliza
Esker on, ez adio, zu, Mañex apeza.
3
Ertor zinen denboran kartsu ta suharra
Zinion nota dugun elgarren beharra
Bestela artaldean sar errex aharra
Jainkoak beira gaitza hortaraino terra.
4
Zu joaiteak zer hutsa herri guziari
Artzaina ken, norat da artaldea ari
Geroztik egon gira otoizka Jaunari
Artzain berri bat jinen ote zen gidari.