Maitiak bilhoa holli
1
Maitiak bilhoa holli
eta koloria gorri,
esküko larria churi, zilhar fina üdüri,
eta bera charmagarri best'ororen gaineti.
2
«Etchetto bat badizüt nik
jauregi baten parerik;
hartan barnen egonen zira zilhar kaideran jarririk;
ihurk ezpeiteizü erranen nahi eztüzün elherik.
3
Nik badütüt mila ardi
borthian artzañeki,
Kataluñan ehün mando bere zilhar khargeki:
hurak oro badütüketzü, jiten bazira eneki.»
4
- «Badüzia mila ardi
borthian artzañeki?
Kataluñan ehün mando zilhar diharüreki?
Hurak oro ükhenik ere, eniz jinen zureki.»
5
- «Maitenaren etchekoak,
Khechü ümen ziradeie:
alhaba ene emaztetako sobera ümen zaizie.
Ez emazte, bai amore: sofritu hehar düke.
6
Senhartako emozie
Frantziako errege:
Frantzian ezpada ere, Españakoa bedere:
bada errege, enperatore, püntzela ja eztüke.»