Illunpetan zegon erriyari argiya sortu zayo
Aldave, Joaquin
O gau argiya
munda illuna
su gar bixtutzen dezuna.
O arrats bakar
agurgarriya,
zu zera egiz Gau Ona,
mendik eztiya
t'esne gozua
ugari ixurtzen dutena.
¡Ene, Jaungoikuen
Seme bakarra
aragi illkorrez jantzi da!
Bere biyotzian
laxter jayo da
Gureganako naimena.
Gurekiñ izan,
gurekiñ bizi,
bere gogo beruena.
Gorputz illkorren
barruan digu
Jainkotasuna ber bera
sinismenezko
argi bitartez
ongi ikusten deguna.
Maite zaitugu,
on uts bakarra
t'itxarapena zerana.
O ze alaiak
dauden familik
Gau on Gaba arratsian,
bildu baitira
senide guztik
sukalde epel babexian,
antxe aitakiñ
eta amarekiñ
elkartuta afaltzian.
Kanta, gaztiak,
ta kanta, zarrak,
Jesus jayo berriyari,
Txukatu itzagun
negar malkuak
Ama digun Birgiñari.
Gure hosanna
eta alleluiak
Irutasun Aundiyari.
|