Mozkorra

L.S.E.

 1

 Basoaren barnean

 Ito dut geroa

 Hiltzea garraiturik

 Lasterka badoa

 Leher egina duke

 Zabalik ahoa

 Orai gozatuko naiz

 Tripan dut arnoa!

 2

 Itzuliak gizonak

 Iduriz erleak

 Burrunban gehienak.

 Begote zoroak:

 Biziz gure munduan

 Zoin beren kantuak.

 Ni bizi naiz arnoan

 Johan nau gozoak.

 3

 Begiak kurutzean

 Gogoz ilunpean

 Basoa ixuria

 Neri so... doblean

 Mundua akabo da

 Ene aintzinean:

 Ez nago mundu huntan

 Ez-eta hertzean.

 4

 Lanbroa loditua

 Begiak apalik

 Besoetan burua

 Kokotsa makurrik

 Korrokan haragia

 Hasia bakarrik.

 Zerri gizonak ez dik

 Nik bezalakorik.

 5

 Gero ez naiz orroitzen

 Zilo batez baizik

 Amets eta korroka

 Xotin nahasi batez

 Orai azkarturik

 Ez dut entzun deusik

 Itzuli naiz mundura

 Zangoak galdurik.

 6

 Horra berriz geroa

 Heldu aintzinean

 Neri so herioa

 Sotako xokoan

 Ez ahal da arnoa

 Heldu den urtean

 Txar izanez aroa

 Agortzera johan.