Bazko sinesten dut!

L.S.E.

 1

 Galdu aita, galdu amaz

 Munduko guziko nigarraz

 Kolpatuaren ikaraz

 Ixuri odol soberaz

 Anaia maite duenaz

 Piztu denaren kariaz

 Sinesten dut!

 2

 Munduratzeko den minez

 Hemen-utzi behar umez

 Behar gabe hil direnez

 Zuzen kontra pekatuez

 Ohoin onaren fagorez

 Omiasainduko Iorez

 Sinesten dut!

 3

 Madalenen sabelean

 Xorien xarameléan

 Arbola hosto perdean

 Lilien usain onean

 Irri larri karkailean

 Amodio su garrean

 Sinesten dut!

 4

 Nola ogi ungarritik

 Belar puntta arrokatik

 Nola bake urrikitik

 Hilen armadak lur petik

 Eskual ama-lur gozotik

 Beti hilak, beti xutik

 Sinesten dut! piztuko garela.