Ai gizona!
L.S.E.
1
Gizona denean otso bilakatu,
Argi iturria denean agertu,
Denean esnea bularrean mintu,
Amodioari egin denean thu,
2
Jende haraziaz denean bazkari,
Denean lohia arimen hazkurri,
Xutik dabilana dela urrikari,
Denean gezurra tripan xutik jarri.
3
Erori denean haitz-hostoa perde,
Direlarik galdu asmu eta fede,
Haizeak dabiltzan gizon ahul xede,
Eta burua xut, apal behar orde.
4
Galdu direlarik bai gerla, bai bake,
Karruņa ariman, bihotzean neke,
Zahartasunean hautsek oraino khe,
Zeri lotu, anai? Zeri berma naike?
5
Ahanztera noan, nere anai xori,
Beti berdin alai, beti xirulari,
Goiz argi gorrian sustatzerat ari,
Min eta zauriak, perekatuz ari.